• Increase font size
  • Default font size
  • Decrease font size

Antzuola

Agenda
News

Erakusketa. Narrua. Gure ondare industrial eta kulturala.

E-mail Print PDF

ERAKUSKETA - Narrua. Gure ondare industrial eta kulturala. 

Otsailak 23, zapatua
- 12:00- Bisita gidatua egingo da link for you levitra gel eta azalpenak emango dituzte Bittor Arbuluk eta Iñigo Ramirez de Okarizek.
- 18:30-20:30

Otsailak 24, domeka, martxoak 2, zapatua, eta 24, domeka.
- 18:30-20:30

Erakusgai daude: 
- Antzuolako lau zurrategi nagusien argazkiak, bertako langileak eta eraiste unea.
- Orain arte narruari buruz egin diren hainbat lanen argazkiak: Zurrategiko zurratzailearen eskultura, hainbat grabazio...
- Zenbait tresna eta material. 

 

Inauteri bazkaria, lehiaketa, berbena

E-mail Print PDF

INAUTERI BAZKARIA, LEHIAKETA eta BERBENA
MARTXOAK 3, DOMEKA

14:30- BAZKARIA FRONTOIAN
- Umeendako menua:  makarroiak, solomoa patata frijituekin, petisuisa eta freskagarriak. 11 €
- Helduendako menua: piperrak entsalada errusiarrez beteak, zurtoin beteak onddoen saltsan, etxeko frijituak, oilasko errea eta txokolatezko tarta. Edateko: ardoa, kafea eta kopa. 22 €

Mahaiak montatu eta zerbitzatu Kateringekoek egingo dute. Mahai-aulkiak eta dena jaso, bazkaltiarren artean.
Kristalezko ontziak egongo dira.
Frontoian eserita bazkaltzeko txartela eskatuko da.
Umeen gunea eta helduen guneak egongo dira: umeen gunean umeendako menua emango da; helduen gunean, helduendako menua.
Txartelak salgai: udaletxean eta liburutegian.
Erosteko azken eguna: otsailak 22, egubakoitza.

17:00- MOZORRO LEHIAKETA. Euria bada, frontoian; ateri badago, zurrategin.
Lehiaketan nahi duenak har dezake parte eta nahi duena egin dezake: desfilea, koreografia…
Ikuskizunak musika izanez gero, aurkezten den taldeak eramango du.
Talde onenarentzako saria: herriko jatetxe batean 200 € arteko gastua egiteko aukera. Hortik gorakoa taldeak jarriko du. Taldea 10 lagun baino gutxiagok osatuz gero, buruko 20 € emango da.
Animatzaile eta epaimahai lanetan: Txatxilipurdi.

17:30-19:30- BERBENA Txatxilipurdirekin.
Euria bada, frontoian; ateri badago, Zurrategin       

 

Zer egin larru langintzaren ondarearekin?

E-mail Print PDF

ANTZUOLARRON ONDARE KULTURAL ETA INDUSTRIALA- Hausnarketa saioa

Zer egin narru langintzaren ondarearekin?

Antzuolak narru langintzarekin harreman eta tradizio handia izan du, ekonomiaren ardatz nagusi izan delako bi mendez. Desagertuta dagoen langintza izan arren, ondarearen zati bat badugu oraindik: artxibo dokumental eta grafikoa, lanean jardun zuten emakume eta gizonezkoen grabazioak, tresna eta lanabesak...

Baina, antzuolarrok zer egin genezake eta nola ondare hori balioan jarri eta herritarrei erakusteko?

Galdera horiei erantzuteko egingo dugu hausnarketa-saioa.

Otsailak 16, zapatua, 9:30-12:30, Olaranen.

Saio irekia da, eta nahi duen orok du etortzeko aukera, baita zuk ere.

ZURRATEGIEN HISTORIA
1790an sortu zuen Bareñok larrua ontzeko lehen lantegia Antzuolan.
1880an sortu zen Lamariano y Cía.
Ondorengoak dira beste biak: Galarza Hermanos y Arbulu eta Hijos de José Telleria.
Enpresok desagertzen hasi ziren 50eko hamarkadan; 90eko hamarkadan itxi zen azkena. Plastikoaren nagusitasuna, nekazaritzaren krisialdia eta mekanizazioa, norgehiagoka, berrikuntza teknologiko eza,… izan ziren lantokiak ixtearen arrazoi nagusi.
Lantokiak desagertu arren, langileak ez ziren kalean geratu; beste arloetako hainbat enpresa berri sortu eta etorri baitzen gurera.

NARRUAREN ONDAREAK BIZIRIK IRAUTEKO EGINDAKO JARDUERAK
- Auzo berri bat izendatzeko larruarekin zerikusi zuzena duen hitz bat aukeratu zen: Zurrategi. Izen hori jarri zitzaion, bertan egon zelako Bareño zurrategia.
- 1998an Zurrategin larrua ontzen diharduen langilearen eskultura inauguratu zen.
Inaugurazioarekin batera larru ontzerako erabiltzen zen tresneriarekin eta antzinako argazkiekin erakusketa antolatu zen.
- 2000n Antxon Agirre Sorondoren Antzuolako larru ontzea liburua argitaratu zen.
- 2004an Telleria lantegian egiten zen uhalgintzaren[1][UdW1] ondarea eskuratu zen: tailerreko tresneria (erreminta, altzari, larru patroiak...) zein artxibo dokumentala.
- Larru langintzarekin zerikusia duten antzinako argazkiak jaso ziren. Gehienak Antzuolako argazki zaharrak 1900-1970 liburuan eta antzuola.com webgunean daude.

NARRUOLA. LARRU-ONTZE ETA UHALGINTZA GUNEAREN PROIEKTUA
Testuinguru horretan, Antzuolak larruaren lanbidearekin loturiko gune bat behar eta merezi zuelakoan, sortu zen Narruola proiektua deitu zitzaiona. Proiektuak ordea, hainbat arrazoi medio, ez zuen aurrera egin.

LARRUAREN ONDARETIK, ANTZUOLAKO ONDARERA
Azken urteotan Narruola gaiaz hitz egitean fokoa ez dugu larruaren ondarean jartzen. Ikuspuntua zabaldu eta ondarea adiera zabalagoan hartuz Antzuolak dituen ezaugarri eta bereizgarriez jarduten dugu.
Antzuolak baditu harro erakusteko moduko bere-bereak dituen hainbat elementu, bakarrik hemengoak eta geureak direnak.

 

Agenda. Herriko ekintzak.

E-mail Print PDF

 

Otsailak 3, domeka

Mahai jolasak probatzeko, ikasteko eta eurekin jolasteko aukera Jolaseneak antolatuta. Adin guztietakoendako; 8 urtetik beherakoak gurasoekin joatea komeni da.
17:00-20:00, Olaranen.

Otsailak 4, astelehena

-        Santa Ageda bezpera dela eta, kintoak kantuan aterako dira 6.00etan.
-        Santa Ageda eskean aterako dira abesbatza, txistulariak, Anelkar eta Sagiri elkartekoak. 18:30etik aurrera.
Batzen den dirua Sagiri Elkartearendako izango da, Saharako umeen Oporrak bakean kanpaina bultzatzeko.

Otsailak 5, martitzena
Inauteriak antolatzeko bilera.
Bilera irekia izango denez, gonbidatuta daude inauterietan parte hartzen dutenak, inauteriazaleak eta bertaratu nahi duten guztiak.
18:30ean, udaletxeko bilera gelan.

Otsailak 9, zapatua
San Blas egunaren ospakizuna, San Blasen.

Otsailak 10, domeka

Helduentzako zinea: Europa Transit: Dresden & Wroclaw.
Dresden babesleku: 2015. Urtean, Europan, Alemaniak bakarrik eskaini zien ate irekiko politika gerran dauden herrialdeetatik zetozen iheslari saldoei. Milioi bat pertsonari egin zien harrera. Dokumentalak gertakari haren ondorioak aztertzen ditu Dresdenen.
Wroclawngo giza liburutegia: Polonian, gero eta sarriago gertatzen dira etorkinen eta errefuxiatuen kontrako manifestazio eta erasoak. Hala ere, badira herri kulturaniztun eta toleranteago baten alde egiten duten ekimenak. Horietako bat da Wroclawn hiriko Giza Liburutegia.
Espainia 2016.
Jatorrizko hizkuntza: alemaniera, poloniera, gaztelania, frantsesa, ingelesa.
Elkarbizitzaren trantsiziorako kultura, Film dokumentala.
18:30ean, Torresoroan. Sarrera: doan.

Otsailak 12, martitzena

Adinekoen erorikoak prebenitzeko tailerra.
16:30-18:00, Olaranen.
Izen-ematea: Landatxopen otsailaren 4 eta 5ean, 16:00-18:00.
Osasun-etxean edozein egunetan, 08:00-15:00.

Otsailak 16, zapatua

Hausnarketa saioa: zer egin larru langintzaren ondarearekin?
Antzuolak larru langintzarekin harreman eta tradizio handia izan du, ekonomiaren ardatz nagusi izan delako bi mendez. Dagoeneko desagertuta dagoen langintza izan arren, ondarearen zati bat badugu oraindik: artxibo dokumental eta grafikoa, lanean jardun zuten emakume eta gizonezkoen testigantzen grabazioak, tresna eta lanabes ugari...
Baina, zer egin larru langintzaren ondarearekin? Zer egin genezake antzuolarrok ondare hori balioan jarri eta herritarrei erakusteko? Zer egin, zertarako, nola, ze baliabiderekin...
Galdera horiei erantzun nahirik hausnarketa-saioa egingo dugu.
Saio irekia da, eta nahi duen orok du etortzeko aukera, baita zuk ere.
9:30-12:30, Olaranen.

Otsailak 17, domeka
Antzuolako 8 miliak
- 10.30- A8M helduen mendi lasterketaren irteera.
- 11.00- A8M minimotoen lasterketa (txikienentzako). Plastikozko motortxoa eta kaskoa parte-hartzaileek ekarri beharko dute eta sinatutako gurasoen baimenak bertan jasoko dira.
Bi frogen ostean, hamaiketakoa egongo da parte-hartzaile guztientzat eta herritarrentzat.
- 13.00- Sari banaketa.

Otsailak 19, martitzena

Adinekoen erorikoak prebenitzeko tailerra.
16:30-18:00, Olaranen.
Izen-ematea: Landatxopen otsailaren 4 eta 5ean, 16:00-18:00.
Osasun-etxean edozein egunetan, 08:00-15:00.

Otsailak 24, domeka
- Mahai jolasak probatzeko, ikasteko eta eurekin jolasteko aukera Jolaseneak antolatuta. Adin guztietakoendako; 8 urtetik beherakoak gurasoekin joatea komeni da.
17:00-20:00, Olaranen.

-        Kontzertua: Isuo eta Kezman eta Koldo Lizarralde.
18:00etan, Antiguako ermitan.
Sarrera: 5 €

Otsailak 26, martitzena
Nigan, Barnetasunaren Heziketa helduendako.
Helburua: gure  barnetasuna ezagutzea eta hobeto sentitzeko baliabideak eskuratzea.
18:30-20:00, Olaranen.

 

 

Memoria tailerra

E-mail Print PDF

MEMORIA TAILERRA

ZER DA MEMORIA TAILERRA?

Gure garuna aktibo mantentzen eta garapen pertsonala bultzatzen laguntzen digun kurtso dinamiko bat da.
Ikastaroa amaitutakoan norberak landu ditzakeen jarraibideak eskainiko dira.

NORI ZUZENDUA? NORK EMANGO DU?

Jubilatu guztientzat. Bakoitzaren beharren arabera taldeak egingo dira.
Eguneko zentroko terapeutak gidatuko ditu saioak

Noiz eta non izango da?

Otsailaren 20tik ekainaren 13ra. Asteazkenetan, 9:30etik 11:00etara
Olaranen

PREZIOA: doan

IZENA EMATEKO:

Udaletxean edo This e-mail address is being protected from spambots. You need JavaScript enabled to view it helbide elektronikoan otsailaren 15a baino lehen.

 
  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  Next 
  •  End 
  • »


Page 1 of 9

Izen emateak

Buletina jasotzeko

captcha
ANTZUOLAKO_DOINUA
Banner
Banner
Banner
Banner