Antzuolarrak berbetan
Udalak bultzatuta eta Badihardugu euskara elkartearen eskutik, Antzuolako ahozko ondarea batu da. 2003. urtetik aurrera hainbat grabazio egin dira eta, gainera, lehendik Idolaz euskara elkarteak eginda zituen beste hainbat grabazio ere berreskuratu eta landu egin dira. Proiektu honen helburu nagusia da ahozko ondarea eta herri hizkera batu eta zabaltzea; hau da, adineko jendea elkarrizketatu, eta euren euskara eta bizipenak jasotzea eta herritarren artean zabaltzea.
